ઘરની આ દિશામાં લગાવશો ટીવી તો બની જશો ધનવાન, પરિવારમાં થવા લાગશે શુભ જ શુભ

જ્યોતિષની જેમ શાસ્ત્રમાં પણ વાસ્તુનું ખૂબ મહત્વ છે. વાસ્તુ શાસ્ત્રમાં દિશાઓ પર વિશેષ ભાર મુકવામાં આવ્યો છે. વાસ્તુ નિષ્ણાતો અનુસાર, કોઈપણ વસ્તુને યોગ્ય દિશામાં રાખવાથી ઘરમાં સકારાત્મક ઉર્જા આવે છે. જો ઘરમાં કોઈ પણ વસ્તુને યોગ્ય દિશામાં અને યોગ્ય જગ્યાએ રાખવામાં આવે તો તે શુભ ફળ આપે છે અને નકારાત્મક ઉર્જા ઘરમાં નથી પ્રવેશતી.

ઘરમાં ટીવી લગાવતી વખતે આપણે ઘણીવાર તેની દિશાનું ખાસ ધ્યાન નથી રાખતા. તમે તેને તમારી અનુકૂળતા મુજબ ગમે ત્યાં ઇન્સ્ટોલ કરી શકો છો પરંતુ વાસ્તુ શાસ્ત્રમાં આ માટે યોગ્ય દિશા પણ જણાવવામાં આવી છે. જો ઘરમાં ટીવી યોગ્ય દિશામાં લગાવવામાં આવે તો વ્યક્તિને શુભ ફળ મળે છે. તેમજ ઘરમાં આર્થિક લાભ થવાની શક્યતાઓ રહે છે.

ટીવી દક્ષિણ દિશામાં લગાવોઃ વાસ્તુ શાસ્ત્ર અનુસાર ઘરમાં દરેક વસ્તુ રાખવાની દિશા નક્કી કરવામાં આવે છે. તે જ રીતે ટીવી રાખવાની દિશાનું પણ વાસ્તુમાં ઘણું મહત્વ છે. વાસ્તુ અનુસાર ઘરમાં ટીવીની દિશા એવી હોવી જોઈએ કે ટીવી જોનાર વ્યક્તિનું મોઢું દક્ષિણ તરફ રહે. તેવું કરવાથી ઘરમાં શુભતા આવે છે.

બેડરૂમમાં લગાવવું નથી હોતું શુભ: જો કે ઘણા લોકો આરામને કારણે બેડરૂમમાં ટીવી લગાવે છે પરંતુ વાસ્તુ અનુસાર બેડરૂમમાં ટીવી રાખવું શુભ નથી માનવામાં આવતું. તેમ છતાં જો તમે તમારા બેડરૂમમાં ટીવી લગાવવા માંગો છો તો તેને દક્ષિણ- પૂર્વ દિશામાં લગાવવું જોઈએ. તેમ ના થવાથી ઘરમાં ઝઘડો થઈ શકે છે.

દક્ષિણ- પૂર્વ દિશા શુભ માનવામાં આવે છેઃ ઘરના લિવિંગ રૂમમાં દક્ષિણ- પૂર્વ દિશામાં ટીવી રાખવું શુભ માનવામાં આવે છે. આ દિશામાં ટીવી રાખવાથી લિવિંગ રૂમમાં સકારાત્મક ઉર્જા આવે છે. તેનાથી ઘરમાં ઝઘડો થતો અટકે છે. સાથે જ ઘરમાં સકારાત્મક ઉર્જાનો સંચાર પણ થાય છે.

પ્રવેશદ્વારની સામે ટીવી ના લગાવો: તમે ઘણા ઘરોમાં જોયું હશે કે ઘરમાં પ્રવેશતાની સાથે જ સામે ટીવી લગાવવામાં આવે છે. વાસ્તુ અનુસાર તેવું કરવું શુભ માનવામાં આવતું નથી. ઘરના પ્રવેશદ્વારની સામે ટીવી રાખવાથી નકારાત્મક ઉર્જા ફેલાય છે. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. ગુજરાત બીટ તેની પુષ્ટિ નથી કરતું.)