અદાણી ગ્રુપે ખરીદી એસ્સારની આ કંપની, 1900 કરોડથી વધુમાં થઈ ડીલ

અદાણી ટ્રાન્સમિશન લિમિટેડ (ATL)એ એસ્સાર પાવર લિમિટેડની ટ્રાન્સમિશન લાઇન ખરીદવા માટેના સોદાને અંતિમ સ્વરૂપ આપ્યું છે. એસ્સાર તેના બે પાવર ટ્રાન્સમિશન પ્રોજેક્ટ્સમાંથી એક અદાણી ટ્રાન્સમિશનને રૂપિયા 1913 કરોડમાં વેચવા માટે સંમત થઈ છે. અદાણી ટ્રાન્સમિશન લિમિટેડના નિવેદન અનુસાર, એસ્સાર પાવરની આ ટ્રાન્સમિશન લાઇન 673 કિમીનો આંતર-રાજ્ય પ્રોજેક્ટ છે. એસ્સારનું આ પગલું તેની દેવું ઘટાડવાની વ્યૂહરચનાનો એક ભાગ છે.

20,000 કિમીનું લક્ષ્ય સમય પહેલા હાંસલ કરવાનો પ્લાન

અદાણી ટ્રાન્સમિશન લિમિટેડ (ATL)ના MD અને CEO અનિલ સરદાનાએ જણાવ્યું હતું કે એસ્સારનું ટ્રાન્સમિશન લાઇન્સ (EPTCL)નું એક્વિઝિશન મધ્ય ભારતમાં ATLની હાજરીને મજબૂત બનાવશે. આ સંપાદન સાથે, ATL તેના 20,000 કિમીનું લક્ષ્ય સમય પહેલા હાંસલ કરવા માટે આગળ વધી રહ્યું છે. અમે ગ્રીડ સ્થિરતામાં મોખરે રહીએ છીએ.

ટ્રાન્સમિશન લાઇનનું જોડાણ

તો આ ડીલને એસ્સાર ગ્રુપ પાવર ટ્રાન્સમિશનના બિઝનેસમાંથી બહાર નીકળવાના સંકેત તરીકે જોવામાં આવી રહી છે. અદાણી ટ્રાન્સમિશન લિમિટેડે પ્રોજેક્ટની ખરીદી માટે જે ટ્રાન્સમિશન લાઇનનું જોડાણ કર્યું છે તે મધ્યપ્રદેશમાં મહાનને પડોશી રાજ્ય છત્તીસગઢના સિપત પૂલિંગ સબ-સ્ટેશન સાથે જોડે છે.

અદાણી ટ્રાન્સમિશનનું નેટવર્ક 19,468 સર્કિટ કિલોમીટર

અદાણી માટે આ એક્વિઝિશન તેની વૃદ્ધિનો એક ભાગ છે. એસ્સાર પાસેથી આ ટ્રાન્સમિશન લાઇન ખરીદ્યા પછી, અદાણી ટ્રાન્સમિશનનું નેટવર્ક 19,468 સર્કિટ કિલોમીટર સુધી પહોંચી ગયું છે. તેમાંથી 14,952 સર્કિટ કિલોમીટરનું કામ ચાલી રહ્યું છે, જ્યારે બાકીના 4,516 સર્કિટ કિલોમીટરનું કામ કેટલાક તબક્કામાં ચાલી રહ્યું છે.

ગ્રીન એનર્જી સેક્ટરમાં રોકાણ કરવાની યોજના

એસ્સાર પાવરના સીઈઓ કુશ એસએ જણાવ્યું હતું કે આ સોદા સાથે, કંપની તેની બેલેન્સ શીટ સાફ કરવાની અને ગ્રીન એનર્જી સેક્ટરમાં રોકાણ કરવાની યોજના બનાવી રહી છે. હાલમાં એસ્સાર પાવરના ભારત અને કેનેડામાં 2,070 મેગાવોટની વીજ ઉત્પાદન ક્ષમતા સાથે 4 પાવર પ્લાન્ટ છે.